Ansjósur El Capricho XL+

Frábærar ansjósur frá Conservas El Capricho, sem er fjölskyldufyrirtæki í bænum Santona í Kantabríu á Spáni. Þessi fallegi bær við sjóinn er meðal annars þekktur fyrir að vera staðurinn þar sem ansjósur voru fyrst verkaðar með þeim hætti sem við þekkjum í dag og varðveittar í dósum.

Þessar ansjósur eru mjög stórar og mjög bragðgóðar. Þær eru varðveittar í jómfrúarólífuolíu og í dósinni eru um 10 flök.

Ansjósur af þessari stærð eru fágæti og við eigum þær því í takmörkuðu upplagi.

Ansjósur frá El Capricho eru veiddar út frá Kantabríu. Frá því að þær eru veiddar tekur við að minnsta kosti 12-18 mánaða verkunarferli, þar sem hvert skref er unnið í höndum.

Þyngd 115 gr.

Innihald: Ansjósur, ólívuolía og salt.

Við mælum með að geyma þessar ansjósur í kæli við 5-12 gráðu hita. Eftir opnun má færa afgangs ansjósur í lokað ílát, toppa það upp með lífrænni ólífuolíu og geyma í nokkra daga. Allar líkur eru samt á að dósin klárist áður en það kemur til þess að huga að því!

Allar ansjósur frá El Capricho eru upprunavottaðar.